ნინო ცერცვაძე - ლეგენდარული ქართველები

სასწავლო პროექტი

სასწავლო პროექტის ავტორი
სახელი და გვარი	ნინო ცერცვაძე
რაიონი	გარდაბანი
სკოლა	სსიპ გარდაბნის მუნიციპალიტეტის სოფელ კრწანისის საჯარო სკოლა
რეგიონი	ქვ. ქართლი
პროექტის  მონახაზი
თემის  დასახელება
ლეგენდარული ქართველები
პროექტის აქტუალობა
პროექტის-,,ლეგენდარული ქართველები“- განხორციელების იდეა გაჩნდა ,,საქართველოს დემოკრატიული რესპუბლიკის“ შესწავლის დროს, როდესაც მე-9 კლასელებს ვაჩვენე ვიდეო ენციკლოპედია, მინი ფილმები ,,გენერალი გიორგი მაზნიაშვილი“ და ,,ქართველი იუნკერები“, აგრეთვე მოვუყევი საინტერესო ისტორიები, მათთვის უცნობი, დამოუკიდებელი საქართველოს გმირებისა და ანტიგმირების შესახებ. მოსწავლეებს სურვილი გაუჩნდათ უფრო მეტი გაეგოთ შედარებით უცნობი დიდი ქართველების შესახებ და გაეცნოთ ისინი სასკოლო თემისათვის, მოეხდინათ მათი ღვაწლის პოპულარიზაცია. ერის გახრწნა და გადაგვარება იწყება მაშინ, როცა იგი თავის ისტორიას ივიწყებს / ილია ჭავჭავაძე/ ალბათ ძნელად მოიძებნება ქვეყნად ერი, რომელსაც იმდენი წმინდანი და პატრიოტი მამულიშვილი ჰყავდეს, რამდენიც საქართველოს.  ძალიან ხშირად კი ჩვენი ახალგაზრდების გული და გონება უცხოელი  ,,გმირებისკენაა“ (მოდელები, მუსიკოსები, მსახიობები, სპორტსმენები, თუნდაც ლიტერატურული გმირები თუ პოლიტიკოსები) მიპყრობილი. მათ ადიდებენ, ეთაყვანებიან და ბაძავენ და არც კი ახსოვთ ან არ იციან, რომ აქვე, ჩვენს გვერდით, ჩვენს მიწაზე, ცხოვრობდნენ და მოღვაწეობდნენ ისეთი ღირსეული მამულიშვილები, როგორებიც არიან  ექვთიმე თაყაიშვილი,  ქაქუცა ჩოლოყაშვილი, მიხა ხელაშვილი, მარო მაყაშვილი, გიორგი მაზნიაშვილი და სხვანი მრავალნი, რომლთა  ღვაწლსაც ვერანაირი გმირობა და ღვაწლი ვერ შეედრება. ეროვნული სასწავლო გეგმის მიხედვით, ისტორიის სწავლების მიზანია ხელი შეუწყოს მოსწავლის პატრიოტ და პასუხისმგებლობის მქონე მოქალაქედ ჩამოყალიბებას. ჩვენი ვალია გმირ წინაპართა ღვაწლის საფუძვლიანად გაცნობით, მათი ღვაწლის სწორად შეფასებით თითოეული მოსწავლის გულში ავაგიზგიზოთ პატრიოტული სულისკვეთება, რომელიც სასიკეთოდ წაადგება ჩვენი ქვეყნის მომავალს. ამასთანავე, სახელმწიფოს დაკვეთაა, მოსწავლეები აღვჭურვოთ 21-ე საუკუნის უნარ-ჩვევებით. პროექტებით სწავლება კი ერთ-ერთი საუკეთესო მეთოდია ამ უნარების განსავითარებლად.
საგანი
ისტორია
დონე/კლასი
საბაზო საფეხური, IX კლასი
განხორციელების დროის ჩარჩო
4 კვირა (1-29 მაისი)
პროექტის საფუძვლები
შინაარსობრივი სტანდარტები და ინდიკატორები
ისტ.IX.5. მოსწავლეს შეუძლია  გაანალიზოს საგარეო და საშინაო ფაქტორების გავლენა ქართული სახელმწიფოს წარმოშობასა და განვითარებაზე. შედეგი თვალსაჩინოა, თუ მოსწავლე: მსჯელობს კონკრეტულ საშინაო/საგარეო პოლიტიკურ ცვლილებებზე, რომლებმაც გავლენა მოახდინა ქართულ სახელმწიფოებრივობაზე; აანალიზებს და აფასებს საშინაო/საგარეო ფაქტორების გავლენას  ქართული სახელმწიფოებრიობის განვითარებაზე;
პროექტის სასწავლო მიზნები/სწავლის შედეგები
მოწავლეები შეძლებენ: ინფორმაციის სხვადასხვა წყაროზე დაყრდნობით ( ინტერნეტრესურსი, ფილმები, ფოტო-ვიდეო მასალა, დოკუმენტური და მხარვრული წერილობითი წყაროები…) გამოიკვლიონ მათთვის საინტერესო  ,,ლეგენდარულ ქართველთა  ცხოვრება ; შეაფასონ და სხვადასხვა საშუალებებით (ზეპირი პრზენტაცია, სლაიდები, მინი-ფილმები, საინფორმაციო ბუკლეტები, კედლის გაზეთები...) სასკოლო საზოგადოებას გააცნონ ლეგენდარულ ქართველთა ღვაწლი ქართული სახელმწიფოებრიობის განვითარებაში;
მიმართულების მიმცემი საკვანძო შეკითხვები
ზოგადი კითხვა		რა არის საჭირო  სამყაროს შესაცვლელად?
თემატური კითხვები		ვინ არის ერისკაცი? რა გარემოებები/ თვისებები განაპირობებს ერისკაცობას?
შინაარსობრივი კითხვები		ვინ არის თქვენთვის დიდი ქართველი? რატომ? თქვენი აზრით ერთიდაიგივე ცნებაა თუ განსხვავდება ერთმანეთისგან დიდი  ქართველი და ლეგენდარული ქრთველი? რომელი დიდი/ლეგენდარული  ქართველის უფრო საფუძვლიანად გაცნობას ისურვებდით?

შეფასებისა და მონიტორინგის გეგმა

პროექტზე მუშაობის დაწყებამდე მოსწავლეები მუშაობენ პროექტებზე და ასრულებენ დავალებებს პროექტზე მუშაობის დასრულების შემდეგ მოსწავლეები სხვადასხვა წყაროებზე მუშაობის/კვლევის შედეგად ქმნიან ვაკვირდები მოსწავლეთა მუშაობას , ვინიშნავ მათ ჩართულობას და წყვილებს/ტრიადებს ვაძლევ შესაბამის რჩევებს მოსწავლეები ავსებენ პროექტის დასაწყისში შევსებული სტრატეგია ვიცი, მინდა ვიციდე, ვისწავლეს III სვეტს-ვისწავლე; მოსწავლის წინარე ცოდნის, ინტერესებისა და საჭიროებების დადგენა/შეფასება სტრატეგია ,,ვიცი,  მინდა ვიცოდე, ვისწავლე“  (ივსება I-II სვეტი) დაკვირვება კითხვები გამოკითხვის შედეგების ანალიზი ·         ესეებს, ·         კედლის გაზეთებს, ·         საინფორმაციო ბუკლეტებს, ·         სლაიდშოუებს ·         საპრეზენტაციო მასალას მათ მიერ შექმნილ თითოეულ პროდუქტს/რესურსს ვაფასებ მოსწავლეების თანამონაწილეობით შექმნილი, მათთვის  წინასწარ ცნობილი შესაბამისი რუბრიკებით (იხ. დანართები) მოსწავლეები აკეთებენ თვითშეფასებას  და პროექტის შეფასებას: რა ისწავლეს და როგორ? თვითშეფასების რუბრიკა; დისკუსია

შეფასების რუბრიკები /შეფასების ინსტრუმენტების მოკლე მონახაზი

დანართი#1 პროექტის შეფასების  რუბრიკა (ამ რუბრიკას ვიყენებ პროექტის შედეგების გამთლიანების, თვითშეფასებისა და რეფლექსიისათვის) ელემენტარული 1 ქულა მისაღები 2 ქულა ოსტატური 3 ქულა 1.მიზანი არ არის კარგად გამოკვეთილი, ბუნდოვანია ხდება ერთ მიზანზე ფოკუსირება კარგად გამოკვეთილი მიზნები, მარტივად აღსაქმელი 2.ორგანიზება  სუსტად ორგანიზებული, არ არის იდეებს შორის ლოგიკური ჯაჭვი, რაც აბნევს მკითხველს/მსმენელს გააზრებულია თანმიმდევრულობა, ორგანიზების ნიშნებით, ზოგი გადასვლა იდეებს შორის არის მარტივი, ზოგი გაუგებარი კარგად ორგანიზებული ფორმატი, ლოგიკური გადასვლა ერთი იდეიდან მეორეზე, ორგანიზება ზრდის პროექტის ეფექტურობას 3.შინაარსის კორექტულობა ხშირად გვხვდება  შეუსაბამო, მცდარი ინფორმაცია, ძირითადად კორექტულია, ზოგიერთი შეუსაბამო ან მცდარი ინფორმაციით მთლიანად კორექტული, ფაქტები ზუსტი და მკაფიო 4.ენობრივი გამართულობა ენობრივად გაუმართავი, ხშირი შეცდომებით ენობრივად გამართული, მცირე შეცდომებით ენობრივად გამართულია, დაცულია პუნქტუაციის ნიშნები 5.კვლევა კვლევა არაეფექტურადაა დაგეგმილი, გამოყენებული წყაროები არ არის სანდო, ანალიზი ზედაპირულია კვლევა დაგეგმილია, მაგრამ ჯგუფის პოტენციალი მთლიანად არ არის გამოყენებული, შეზღუდული რაოდენობის წყაროებია გამოყენებული, ანალიზი მისაღებია კვლევა  არის დაგეგმილი, გამოყენებულია არაერთი წყარო და ანალიზი სიღრმისეულია 6.თვალსაჩინოებები თვალსაჩინოებები ხშირად შინაარსთან შეუსაბამოა, ან არ არის ჯგუფის მიერ შექმნილი თვალსაჩინოებების კავშირი შინაარსთან ნატელია, მაგრამ ერთფეროვანია, მრავალფეროვანი, შინაარსის შესატყვისი, აკურატულად შესრულებული 7.შემოქმედებითობა მცირე შემოქმედებითი ენერგიის დანახარჯი ჯგუფის მხრიდან ზოგჯერ ჩანს ჯგუფის ორიგინალური აზრები, რაც ეხმარება პროექტის უკეთ წარმოჩენაში ჩანს ჯგუფის ორიგინალობა, სიახლე და თავისებური ხედვა, რაც პროექტს საინტერესოს ხდის 8.კავშირები საგნებთან არ ჩანს ჯგუფის კომპეტენცია საგნებში, გვხვდება ფაქტების უზუსტო ინტერპრეტირება მოსაზრებები დაკავშირებულია  ერთი ან ორი საგნიდან მიღებულ ცოდნასთან ხდება მთავარი მოსაზრებების დაკავშირება სხვადასხვა საგნიდან მიღებულ ცოდნასთან, რაც მიუთითებს ჯგუფის მრავალი მიმართულებით  კომპეტენტურობაზე 9.დასკვნები არ არის ჩამოყალიბებული დასკვნები დასკვნები ჩამოყალიბებულია კვლევის ადეკვატურად, მაგრამ არ არის მკაფიო დასკვნებში არის სიახლე (ორიგინალობა), ლოგიკური კავშირი იგრძნობა კვლევასთან, ისინი  მკაფიოდაა ჩამოყალიბებულია   10.პრეზენტაცია ეფექტურად არ არის წარმოჩენილი პროექტის არსი, უჭირს აზრის ჩამოყალიბება და პასუხების გაცემა, არ არის მიზნობრივად გამოყენებული თვალსაჩინოებები ბუნდოვნად  აყალიბებს  პროექტის არსს, იყენებს  თვალსაჩინოებებს, პასუხობს შეკითხვების უმეტესობას ნათლად ჩამოყალიბებული პროექტის არსი, მკაფიო მეტყველება, აუდიტორიაზე გათვლილი, ძირითადი იდეებია გაშლილი, იყენებს თვალსაჩინოებებს და პასუხობს ყველა კითხვას დანართი2 პრეზენტაციის შეფასების რუბრიკა  (ამ რუბრიკას ვიყენებთ პრეზენტატორი წყვილის /ტრიადის შეფასებისას) ამ შემთხვევაში პრეზენტატორ მოსწავლეთა წყვილს/ტრიადას თითოეულ კრიტერიუმში ენიჭებათ ნული/ერთი /ორი ქულა და საბოლოო ქულის გამოსაყვანად ითვლება მათი ჯამი. მაქსიმალური ჯამი არის ათი ქულა. მოსწავლეღა წყვილის ნომერი                   10 საინტერესო შესავალი (პრობლემის იდენტიფიცირება/მიზანი/არჩევანის მიზეზი)-2 თემის გასაგებად წარმოდგენა (ლოგიკური ჯაჭვი) -1 საუბარი (გამართულობა, ტემბრი)-1 მრავალფეროვანი რესურსის  გამოყენება-3 აუდიტორიასთან კონტაქტი (ვერბალური/არავერბალური)-1 ინფორმაციის ფლობის უნარი (ადეკვატური კითხვა-პასუხი) -1 დროის ლიმიტის დაცვა -1 ჯამი დანართი#3 ესეს შეფასების რუბრიკა მოსწავლის სახელი-გვარი ქულა 1 მიზანი,  თეზისი, კვლევის შედეგად გამოთქმული იდეა 2 2 ანტითეზისი და მისი გაბათილება 1 3 ესეს ორგანიზება 1 4 შინაარსის კორექტულობა 1 5 ენობრივი გამართულობა 2 6 მოსაზრებების არგუმენტებითა და მაგალითებით  გამყარება 2 7 ორიგინალური დასასრული, დასკვნა 1 დანართი#4 თვითშეფასების კითხვარი  მოსწავლეთათვის        მე შევძელი დიახ ნაწილობრივ არა 1 პროექტზე მუშაობის პროცესში ვყოფილიყავი მოწესრიგებული, ორგანიზებული, კარგი თანამშრომელი 2 პირნათლად შემესრულებინა დაკისრებული მოვალეობა 4 ამა თუ იმ საკითხზე  საკუთარი აზრი გადმომეცა თანმიმდევრულად, მემსჯელა საინტერესო საკითხების ირგვლივ და გამომეხატა ჩემი პოზიცია 5 ვცდილობდი გამემართლებინა მოლოდინები 6 ვცდილობდი მომეძიებინა ორიგინალური ინფორმაცია და აქტიურად ჩავბმულიყავი საპრეზენტაციო მასალის შექმნაში 7 აქტიურად მიმეღო მონაწილეობა  კედლის გაზეთის შექმნაში 8 აქტიურად მიმეღო მონაწილეობა  ,,ესეების“  კონკურსში და მებრძოლა პირველობისათვის 9 აქტიური მონაწილეობა მიმეღო ჩემი გუნდის პროექტის პრეზენტაციაში და მებრძოლა გუნდის გამარჯვებისთვის 10 ობიექტურად შემეფასებინა საკუთარი თავი და მეგობრები დანართი#5 კედლის გაზეთის შეფასების რუბრიკა 1.ვიზუალური მხარე (სათაურის დიზაინი, ზოგადი დიზაინი, კალიგრაფია, ორიგინალური და მრავალფეროვანი გაფორმება)-0-5 ქ. 2.შინაარსობრივი მხარე (მრავალფეროვანი და საინტერესო ინფორმაცია, ადექვარუტია და არ შეიცავს ფაქტობრივ შეცდომებს)-0-2 3.წერითი მეტყველება(ინფორმაციის ლაკონურად და თანმიმდევრულად გადმოცემა გამართული სალიტერატურო ენით)-0-2ქ. 4. ორგანიზება(ინფორმაცია კარგადაა ორგანიზებული, მითითებულია რედკოლეგია)-1

საბაზისო უნარ-ჩვევები/ წინარე ცოდნა

·         სხვადსხვა ტიპის წერილობით წყაროებზე მუშაობის და ინტერნეტ რესურსების მოძიების უნარი; ·         წერილობითი და ზეპირი ფორმით სამიზნე ენაზე  მასალების ინტერპრეტირების და მოსაზრებების გამოხატვის უნარი; ·         ვორდისა და პოვერპოინტის  პროგრამაში მუშაობის  უნარ-ჩვევა; ·         ესეს წერის უნარი; ·         პრეზენტაციისა და საკუთარი აზრის არგუმენტირების უნარი; ·         კედლის გაზეთზე მუშაობის უნარი;

სასწავლო პროცედურები/პროექტის ამოცანები და მოსალოდნელი შედეგები

პროექტის მიზნის მისაღწევად განვახორციელეთ შემდეგი ამოცანები: პროექტის სახელწოდების შერჩევა დიდ ქართველთა 50-ეულის შედგენა ანკეტის შექმნა და სასკოლო თემის გამოკითხვა ანკეტური გამოკითხვის შედეგების ანალიზი და დიდქართველთა  ათეულის დადგენა სასურველი თემატიკის გადანაწილება წყვილებსა და ტრიადებში სხვადასხვა წყაროებიდან ინფორმაციის მოძიება-დამუშავება/ორგანიზება საპრეზენტაციო სლაიდებისა და საინფირმაციო ბუკლეტების აწყობა ესეების კონკურსი ექსკურსია საქართველოს ხელოვნების მუზეუმში, ოკუპაციის მუზეუმში   და მთაწმინდის პანთეონში; კედლის გაზეთების შექმნა- პრეზენტაცია; სასკოლო თემის მიერ 3  საუკეთესო კედლის გაზეთის გამოვლენა; ლეგენდარულ ქართველთა შესახებ დამუშავებული პროექტების პრეზენტაციასასკოლო თემის წინაშე,  საუკეთესო პრეზენტატორი წყვილის (სამეული) გამოვლენა და სიგელებით დაჯილდოვება.

მოსალოდნელი შედეგები: წყვილში/ტრიადაში მუშაობის დროს  მოძიებული და დამუშავებული ინფორმაციის მეშვეობით მოსწავლეებს გაუღრმავდებათ ცოდნა საზოგადოებისთვის შედარებით უცნობი გმირების, ლეგენდარული ქართველების: ექვთიმე თაყაიშვილის, ქაქუცა ჩოლოყაშვილის, მარო მაყაშვილის, მიხა ხელაშვილის, ზვიად გამსახურდიას, მერაბ კოსტავას, ილია მეორეს, აფხაზეთის ომის გმირების, გიორგი სააკაძისა და სტალინის შესახებ, გამოუმუშავდებათ სოციალური უნარები, როგორიცაა- თანამშრომლობა, პასუხისმგებლობა, სხვისი აზრის პატივისცემა, კომპრომისზე წასვლა, ფუნქციათა დელეგირება და სხვა. მოსწავლეები პროექტის ფარგლებში მოძიებული მასალების ორგანიზების  შედეგად დაამუშავებენ საკვლევ თემებს ჯგუფებში გადანაწილებული თემატიკის მიხედვით, გამოსცემენ კედლის გაზეთებს, შექმნიან საინფორმაციო ბუკლეტებს, დაწერენ ესეებს და მოაწყობენ საინტერესო  დისკუსიას ,, ვინ არის დიდი ქართველი?  პრეზენტაციით გამოუმუშავდებათ აუდიტორიასთან ურთიერთობისა და  პრეზენტაციის უნარ-ჩვევები. საკვლევ თემებზე  მუშაობით განუვითარდებათ კვლევის, წყაროთა ინტერპრეტაციის, ანალიტიკური და კრიტიკული აზროვნების, წერითი მეტყველების, თემის წერის უნარ-ჩვევები. გამოშვებული კედლის გაზეთის მეშვეობით განუვითარდებათ წერითი მეტყველების, ინფორმაციის ორგანიზებისა და შემოქმედებითი უნარი. ესეების კონკურსით შეძლებენ დიდ ქართველთა ღვაწლის გაანალიზებასა და შეფასებას ;განუვითარდებათ პრობლემის გააზრების, არგუმენტირებული მსჯელობის, ანალიზის, სინთეზისა და შეფასების უნარები. დისკუსიის შედეგად იმსჯელებენ დიდ ქართველთა დამსახურებაზე ჩვენი ქვეყნის წინაშე; განუვითარდებათ საკუთარი მოსაზრების ნათლად, ლაკონურად ჩამოყალიბებისა და არგუმენტირების, საწინააღმდეგო მოსაზრების გაბათილების, კრიტიკული და ლოგიკური აზროვნების, მოსმენის, სხვისი აზრის პატივისცემისა და დროის ლიმიტის დაცვის უნარ-ჩვევები ექსკურსიით გამოუმუშავდებათ არაფორმალურ გარემოში სწავლის უნარი.

დიფერენცირებული სწავლება
	სპეციალური საჭიროებები	კლასში არის 2 სსსმ მოსწავლე.  სპეციალურ პედაგოგთან ერთად , მათი ინდივიდუალური შესაძლებლობების შესაბამისად, წინასწარ შემუშავებული ინდივიდუალური სასწავლო გეგმის მიხედვით მივეცი შესაბამისი დავალებები, კერძოდ, სპეცპედაგოგთან ერთად შექმნეს კედლის გაზეთი ,,თამარ მეფე“. მარიამ თამლიანმა ზეპირად მოკლე ინფორმაცია წარმოადგინა კლასის წინაშე მეფე თამარზე, ხოლო ლუკა ვარამაშვილმა შეძლო მეფეთა პორტრეტებში თამარ მეფის ფოტოს ამოცნობა და ერთი ნიშნით- ქალი მეფეა- დახასიათება
	არაქართულენოვანი მოსწავლეები (მოსწავლეები, რომლებისთვის სწავლების ენა არ არის მშობლიური)	კლასში არის 4 არქართულენოვანი მოსწავლე არაქართულენოვანი მოსწავლეები მათი სურვილის მიხედვით გადავანაწილე ქართველ მოსწავლეთა ტრიადაში; მივეხმარე მათ ინფორმაციის ორგანიზებასა და ადაპტირებული საპრეზენტაციო მასალის (ტექსტების) შედგენაში.

საჭირო რესურსი
ტექნოლოგია – ტექნიკა (მონიშნეთ პროექტისათვის  საჭირო ტექნოლოგიური უზრუნველყოფა)
ფოტოკამერა  კომპიუტერი (ები)  ციფრული კამერა  DVD ფლეიერი  ინტერნეტკავშირი	ლაზერული დისკი  საბეჭდი მანქანა/პრინტერი  პროექტორი  სკანერი  ტელევიზორი	VCR, ვიდეო  ვიდეოკამერა  ვიდეო საკონფერენციო აღჭურვილობა.  სხვა
ტექნოლოგია – პროგრამული უზრუნველყოფა (მონიშნეთ პროექტის ფარგლებში გამოყენებული პროგრამა/პროგრამები )
მონაცემთა ბაზა/ცხრილები  საგამომცემლო პროგრამები  ელფოსტის პროგრამა  ენციკლოპედია კომპაქტდისკზე	ფოტო/სურათების დამუშავება  ინტერნეტძიება  მულტიმედია	ვებგვერდის შექმნა  ვორდის პროგრამა  სხვა

ბეჭდვითი მასალები

სახელმძღვანელო ,,საქართველოს ისტორია  IX კლასი“; ჟურნალი  ,,ისტორიანი“(2015-17 წლების სხვადასხვა ნომერები); ექვთიმე თაყაიშვილი, კრებული — საქართველოს საპატრიარქოს გამომცემლობა, თბილისი, 2007, ალექსანდრე სულხანიშვილი მოგონებები შეფიცულთა რაზმზე, თბილისი, არტანუჯი, 2007 ივანე ლიქოკელი ხევსურები და ქაქუცა, თბილისი, არტანუჯი, 2006 სერგო ვარდოსანიძე ,, მზიანი ღამის 38 წელი“. თბილისი, 2015. მწყემსი საქართველოსი. გამომცემლობა „არტანუჯი“, თბილისი, 2012. ნელი შიოლაშვილი. ჩვენი პატრიარქი. თბილისი, 2011 ღვინჯილია ჯ., გიორგი სააკაძის პიროვნება, გამოც. მე-2, თბ., 1983; ჯამბურია გ., გიორგი სააკაძე, თბ., 1964;

ინვენტარი/მასალები	ფლიპჩარტები; მარკერები; A4 -ის ფურცლები; ფერადი ცარცი; წინასწარ გამზადებული კითხვარები (ანკეტური გამოკითხვისთვის); თვითშეფასების ბარათები.
ინტერნეტრესურსები	Google;  Wikipedia;  istoria.ge; youtub
სხვა რესურსები	ფილმები: ,,მარო მაყაშვილი“, ,,მიხა ხელაშვილი“, ,, ქაქუცა ჩოლოყაშვილი,“ საქართველოს მეჭურჭლწთუხუცესი“

პროექტის ფარგლებში განხორციელებული ღონისძიებების  გრაფიკი:

ღონისძიება	განხორციელების თარიღი	მონაწილენი	მატერიალური რესურსი	პასუხისმგებელი	შენიშვნა
პროექტის თემის შერჩევა და დიდქართველთა 50-ეულის შედგენა	01.05.2017	IX კლასის მოსწავლეები	•                      დაფა, ცარცი •                      წებოვანი ფურცლები და კალმები	ნ.ცერცვაძე (ისტორიის პედაგოგი)
ანკეტური გამოკითხვა ,,რომელი დიდი ქართველის უკეთ გაცნობას ისურვებდით?	03-04. 2017	IX კლასის მოსწავლეები	•                      კითხვარი/ანკეტა •                      კალამი	ნ.ცერცვაძე (ისტორიის პედაგოგი)
ანკეტური გამოკითხვის შედეგების ანალიზი და ლეგენდარული ქართველების 10-ეულის დადგენა	05.05.2017	IX კლასის მოსწავლეები	•                      შევსებული კითხვარი; •                      დაფა,ცარცი	ნ.ცერცვაძე (ისტორიის პედაგოგი)
წყვილებად/ტრიადებად გადანაწილება და საკვლევი თემების არჩევა	08.05.2017	IX კლასის მოსწავლეები	•                      ინტერნეტი •                      IX კლასის სახელმძღვანელო •                      მხატვრული და დოკუმენტური წერილობითი წყაროები	ნ.ცერცვაძე (ისტორიის პედაგოგი)
დისკუსია	14.05.2017	IX კლასის მოსწავლეები	•          სააქტო დარბაზი(დისკუსიისთვის მოწყობილი გარემო) •        ფოტო ან ვიდეო აპარატი •        მიკროფონი	ნ.ცერცვაძე (ისტორიის პედაგოგი)
ესეების კონკურსი	15.05.2017	VIII -X კლასის მოსწავლეები	თაბახის ფურცლები(A-4) საკლასო ოთახი ფოტო ან ვიდეო აპარატი	დინარა ნიჟარაძე ( ქართული ენისა და ლიტერატურის პედაგოგი) ნ.ცერცვაძე (ისტორიის პედაგოგი
კედლის გაზეთების პრეზენტაცია	23.05.2017	IX კლასის მოსწავლეები	•                      დიდი ფორმატის ფურცელები(ფლიფჩარტი) •                      მარკერები •                      შესაბამისი ფოტოები •                      ფერადი ცარცი	ჯგუფების მიერ შექმნილი რედკოლეგია
კონფერენცია პროექტების პრეზენტაცია	25.05.2017	IX კლასის მოსწავლეები	•                      კომპიუტერი •                      პროექტორი •                      სააქტო დარბაზი •                      ფოტო ან ვიდეო             აპარატი	ნ.ცერცვაძე (ისტორიის პედაგოგი)
ექსკურსია	27.05.2017	IX კლასის მოსწავლეები	•                      ტრანსპორტი •                      ყვავილები	ისტორიის მასწ. კლასის დამრიგებელი
პროექტის შედეგების ანალიზი	29.05.2017	IX კლასის მოსწავლეები და პედაგოგი ნ.ცერცვაძე	•                      თვითშეფასებისა და შეფასების რუბრიკები	ნ.ცერცვაძე (ისტორიის პედაგოგი)

რეფლექსია სასწავლო პროექტის განხორციელებაზე

პროექტის ავტორი:ნინო ცერცვაძე, ისტორიის პედაგოგი;

პროექტის თემა: ,,ლეგენდარული ქართველები“;

განხორციელების ადგილი და დრო: სსიპ გარდაბნის მუნიციპალიტეტის სოფელ კრწანისის         საჯარო სკოლა;  01-29 მაისი;

კლასი: IX

პროექტის განხორციელების შემდეგ , შედეგების ანალიზის შედეგად გავაკეთე თვითშეფასება

·         მოხერხდა თუ არა  დასახული მიზნების მიღწევა?

·         რომელი აქტივობები წარიმართა  გეგმის შესაბამისად?

·         რომელი ვერ განხორციელდა და რატომ?

·         პროექტზე მუშაობა ნაყოფიერი და სასიამოვნო იყო ჩემთვის და ჩემი მოსწავლეებისთვის. პროექტი წარმატებით განხორციელდა,  მოხერხდა ესგ-ს შესაბამისად, საგნობრივი სტანდარტის შედეგებზე ორიენტირებული, დასახული მიზნების მიღწევა;  ყველა აქტივობა წარიმართა გეგმის შესაბამისად.

·         რომელ კომპონენტში იყო პროექტი ყველაზე წარმატებული და რატომ?

 მოსწავლეთა ინტერესებისა და შესაძლებლობების გათვალისწინებითა და მათი უშუალო არჩევანით საკვლევი თემების გადანაწილებამ და ფუნქციათა დელეგირებამ განაპირობა აქტიური ჩართულობა - კლასის მოსწავლეთა 95 %,  33 მოსწავლიდან 31, მათ შორის სსსმ მოსწავლეები, აქტიურად იყვნენ ჩართულნი მუშაობის პროცესში ყველა ეტაპზე( პროექტის თემის შერჩევა, ანკეტური გამოკითხვა და შედეგების ანალიზი, საკვლევი თემების გადანაწილება  და ფუნქციათა დელეგირება ინტერესებისა და შესაძლებლობების  მიხედვით, ინფირმაციის მოძიება-დამუშავება, სლაიდების აწყობა, კედლის გაზეთების მომზადება, პრეზენთაცია...).

·         რა სარგებელი მიიღეს პროექტის მონაწილეებმა?

  პროექტის ფარგლებში  მოსწავლეები გაეცნენ სხვადასხვა ტიპის წყაროებს(მხატვრული და დოკუმენტური მასალები, ნარატიული და ეპისტოლარული წერილობითი წყაროები, ფოტო და ვიდეო მასალები, ნივთიერი წყაროები, ფილმები...), შეიქმნა მრავალფეროვანი რესურსი(სლაიდშოუები, კედლის გაზეთები, საინფორმაციო ბუკლეტები, ესეები ). პროექტის ფარგლებში, დასახული მიზნის მისაღწევად  განხორციელებულმა  აქტივობებმა, მოსწავლეებს განუვითარათ შემდეგი უნარ-ჩვევები:

·          სხვადასხვა საშუალებებით მიღებული  ინფორმაციის მეშვეობით მოსწავლეებს გაუღრმავდათ ცოდნა საზოგადოებისთვის შედარებით უცნობი გმირების, ლეგენდარული ქართველების: ექვთიმე თაყაიშვილის, ქაქუცა ჩოლოყაშვილის, მარო მაყაშვილის, მიხა ხელაშვილის, ზვიად გამსახურდიას, მერაბ კოსტავას, ილია მეორეს, აფხაზეთის ომის გმირების, გიორგი სააკაძის შესახებ, შეაფასეს და გააცნობიერეს მათი ღვაწლი ჩვენი ქვეყნის წინაშე.

·         სხვადასხვა ტიპის წყაროებზე მუშაობით განუმტკიცდათ-კვლევის, წყაროთა ინტერპრეტაციის, ინფორმაციის დახარისხებისა და ანალიტიკური/კრიტიკული  აზროვნების უნარი;

·         წყვილში/ტრიადაში მუშაობის დროს  - სოციალური უნარები, როგორიცაა- თანამშრომლობა, პასუხისმგებლობა, სხვისი აზრის პატივისცემა, კომპრომისზე წასვლა, ფუნქციათა დელეგირება და სხვა.

·         პრეზენტაციით - აუდიტორიასთან ურთიერთობისა და  პრეზენტაციის უნარ-ჩვევები;

·         გამოშვებული კედლის გაზეთის მეშვეობით - წერითი მეტყველების, ინფორმაციის ორგანიზებისა და შემოქმედებითი უნარი.

·         ესეების კონკურსით შეძლეს  დიდ ქართველთა ღვაწლის გაანალიზება და შეფასება ;განუვითარდათ პრობლემის გააზრების, არგუმენტირებული მსჯელობის, ანალიზის, სინთეზისა და შეფასების უნარები.

·         დისკუსიის შედეგად იმსჯელეს დიდ ქართველთა დამსახურებაზე ჩვენი ქვეყნის წინაშე; განუვითარდათ საკუთარი მოსაზრების ნათლად, ლაკონურად ჩამოყალიბებისა და არგუმენტირების, საწინააღმდეგო მოსაზრების გაბათილების, კრიტიკული და ლოგიკური აზროვნების, მოსმენის, სხვისი აზრის პატივისცემისა და დროის ლიმიტის დაცვის უნარ-ჩვევები

·         ექსკურსიით - არაფორმალურ გარემოში სწავლის უნარი.

·         რა საჭიროებს გაუმჯობესებას და როგორ?

პროექტზე მუშაობის პროცესში მუდმივმა დაკვირვებამ და შეფასება-მონიტორინგმა უკეთესად დამანახა თითოეული  მოსწავლის ძლიერი და სუსტი მხარეები.

მოსწავლეთა უმრავლესობა კარგად ახერხებს მრავალფეროვანი რესურსის მოძიებას, სხვადასხვა ტიპის წყაროებზე მუშაობას, მათ  ინტერპრეტაციასა და შეჯერებას, მიღებული ინფორმაციის დახარისხებას, საკვლევი თემის წერას, მაგრამ უმრავლესობას უჭირს საკუთარი ნაშრომის წარდგენა აუდიტორიის წინაშე .  აუდიტორიასთან კომუნიკაციისა და დახვეწილი, სალიტერატურო ენით მეტყველების უნარები ,ნამდვილად საჭიროებს გაუმჯობესებას. ამ უნარების განსამტკიცებლად ხშირად დავგეგმავ ასეთი ტიპის ღონისძიებებს-სასწავლო და სოციალურ პროექტებს, ასევე გავზრდი ზეპირი პრეზენტაციის აქტივობის წილს  საგაკვეთილო პროცესში .

·         მოხდა თუ არა პროექტის განხორციელების პროცესში აქტივობების დამატება და/ან მოდიფიცირება და რატომ?

პროექტის განხორციელების პროცესში აქტივობების დამატება და/ან მოდიფიცირება არ განხორციელებულა.

·         რას გავითვალისწინებ მომავალში მსგავს პროექტზე მუშაობისას? 

 მსგავს პროექტზე მუშაობის დროს აუცილებლად დავაჯგუფებ საკვლევ პიროვნებებს ეპოქების მიხედვით, რათა მოსწავლეებმა უკეთესად შეძლონ ეპოქის გააზრება და ეპოქის თავისებურებებისა და პრობლემების ფონზე დიდ ქართველთა ღვაწლის შეფასება;

ასეთი მასშტაბური პროექტის განხორციელების დროს ,ამასთანავე , გავზრდი ვადებს და უფრო მეტ გასვლით შემეცნებით ღონისძიებას დავგეგმავ მუზეუმებსა და სახლ-მუზეუმებში, რადგან ეროვნულ და ხელოვნების მუზეუმებში ოქროს ფონდის დათვალიერებამ, უფრო მეტად ცხადყო მოსწავლეთათვის ექვთიმე თაყაიშვილის ღვაწლი, ვიდრე მანამდე დამუშავებულმა ლიტერატურამ, ამასთანავე ოკუპაციის მუზეუმის დათვალიერებამ, უფრო ნათლად დაანახა მოსწავლეებს საბჭოთა რეჟიმის წინააღმდეგ მებრძოლი დიდი ქართველების გმირობა-ვაჟკაცობა.     

      დასკვნა :

               პროექტზე მუშაობამ და შედეგების ანალიზმა კიდევ ერთხელ მიჩვენა, რომ მასწავლებელმა პროექტებით სწავლება, განსხვავებული აქტივობის დაგეგმვა და განხორციელება,   სწავლების პროცესის აუცილებელ პირობად უნდა განიხილოს. ამ გზით მოსწავლის შესაძლებლობებისა და უნარების გამოვლენა უშუალოდ  და ბუნებრივად ხდება,  მათ უხარიათ არაფორმალურ, განსხვავებულ გარემოში მუშაობა, ხალისით ემზადებიან, სიამოვნებით ასრულებენ ჩვენს მითითებებსა და დავალებებს, სწავლის პროცესი მრავალი ასპექტითა და ფორმით მსუბუქდება, თანამშრომლობენ და აფასებენ ერთმანეთის ძლიერსა და სუსტ მხარეს, მაღლდება მათი პასუხისმგებლობა. უკუკავშირი ყოველთვის არის ნაყოფიერი და პოზიტიური.